Tangaza Hapa Ad

AyoTV

Kilichojiri kesi ya Harbinder Seth na Rugemarila Mahakamani DSM (+Video)

on

Mfanyabiashara maarufu James Rugemalira na mmiliki wa mitambo ya kufua umeme ya IPTL, Harbinder Seth wamefikishwa mbele ya Mahakama ya Hakimu Mkazi Kisutu wakikabiliwa na makosa sita ikiwemo kuisababishia Serikali hasara ya Tsh. 309b.

Akiwasomea mashtaka yao, Wakili wa Serikali, Paul Kadushi alidai Mahakamani hapo kuwa kosa la kwanza la kula njama linawakabili washtakiwa wote wawili ambapo inadaiwa katika tarehe tofauti kati ya Octoba 18, 2011 na March 19, 2014 katika maeneo tofauti ya DSM, Kenya, Afrika Kusini na India walikula njama kwa ajili ya kutenda kosa, ambapo walijipatia pesa kwa njia ya udanganyifu.

Katika kosa la pili, la kujihusisha na mtandao wa uhalifu kwa lengo la kujipatia faida huku shtaka la tatu ni kughushi ambalo wakili Kadushi alieleza kuwa linamkabili Seth ambapo inadaiwa October 10, 2011 katika mtaa wa Ohio, Ilala DSM akiwa na nia ya ulaghai alighushi cheti cha usajili wa makampuni  na kuonesha yeye ni Mtanzania.

Aidha katika shtaka la kutoa nyaraka za kughushi ambalo pia linamkabili Seth ambapo anadaiwa alitoa nyaraka za kughushi katika Ofisi ya Msajili wa makampuni kwa nia ya udanganyifu akiwasilisha fomu namba 14 ya usajili wa makampuni ikionesha ni Mtanzania na mkazi wa mtaa wa Mrikau, Masaki DSM.

Katika shtaka la kujipatia fedha kwa njia ya udanganyifu, wakili Kadushi alidai linawakabili washtakiwa wote wawili ambapo kati ya November 28 na 29, 2011 na Januari 23, 2014 katika Makao Makuu ya Benki za Stanbic na Benki ya Mkombozi tawi St. Joseph DSM inadaiwa kuwa, kwa ulaghai washtakiwa hao wote wawili walijipatia Dollar 22,198,544.60 na Tsh. 309b.

Wakili Kadushi alidai kuwa, shtaka la sita ni kusababisha hasara ambapo washtakiwa hao wanadaiwa kuwa kati ya November 29, 2013 katika Benki ya Stanbic tawi la kati Kinondoni kwa vitendo vyao waliisababishia Serikali hasara ya Dollar za Kimarekani, 22, 198, 544.60 na Tsh. 309, 461,358.27.

Baada ya kuwasomea makosa hayo, washtakiwa hawakutakiwa kujibu kitu kutokana na Mahakama hiyo kutokuwa na mamlaka, ambapo wakili Kadushi alieleza kuwa upelelezi wa kesi hiyo haujakamilika, hivyo anaomba tarehe nyingine kwa ajili ya kesi kutajwa.

Hata hivyo, upande wa mashtaka kupitia Wakili wa utetezi, Didas aliiomba Mahakama hiyo iwapatie wateja wake dhamana kutokana na makosa hayo yote yanadhaminika.

Nje ya Mahakama hiyo Wakili upande wa washtakiwa, Onesmo Mpinzile ameeleza kuhusu kesi hiyo>>>

TAKUKURU yawapeleka Mahakamani Rugemalila na Harbinder Sethi…bonyeza play hapa chini kutazama!!!

Soma na hizi

Tupia Comments

Advertisement