Swahili Fashion Week
Tangaza Hapa Ad

Kama ulinunua Hisa za Vodacom Tanzania, kuna hii good news ya kuifahamu


Kampuni ya Vodacom Tanzania Public Limited Company “Vodacom Tanzania” au “VODA” March 9, 2017 ilizindua Toleo la hisa za Kawaida kwa bei ya  Tsh. 850 kila hisa na kuhitimishwa July 28, 2017 kwa lengo la kukusanya jumla ya Tsh. 476,000,085,000 kutokana na mauzo ya hisa 560,000,100.

Matokeo ya toleo hilo yanaonyesha kuwa kiasi cha TZS 476,000,085,000 kilikusanywa kama ilivyopangwa. Kati ya  mauzo hayo, 60% imeotokana na  mauzo kwa wawekezaji wa hapa Nchini na 40% imetokana na mauzo kutoka kwa waekezaji wa Kimataifa.

Taarifa hii inazingiatia idhini ya Mamlaka ya Masoko ya Mitaji na Dhamana (CMSA) kuhusu Toleo hili la Hisa, na Wawekezaji ambao maombi yao yamekubaliwa wataingiziwa hisa zao katika  akaunti zao zinazihifadhiwa na Soko la Hisa la Dar  es Salaam (DSE Central Securities Depository). Stakabadhi za Umilki wa Hisa zinaweza kupatikana kutoka kwa mawakala ambako Hisa husika  zilinunuliwa.

Toleo la Hisa za Vodacom Tanzania limekuwa toleo kubwa zaidi na la kihistoria kufanyika nchini, na kuhusisha Watanzania zaidi ya 40,000 wengi wao wakiwa wanashiriki kwa mara ya kwanza katika masoko ya mitaji hapa nchini.  Kwa hiyo, Toleo hili limewezesha kupanuka kwa ushiriki wa Wananchi katika soko la mitaji na dhamana, na pia katika uchumi wa Taifa.

Kwa kuzingatia ratiba iliyoidhinishwa, tarehe 7 Agosti 2017, ndiyo tarehe ya kutangaza matokeo ya toleo. Baada ya kuingizwa kwa hisa katika akaunti za CSD za Wanahisa, hisa zitaorodheshwa katika Soko la Hisa la Dar es Saalam  na mauzo yake kuanza saa 4 asubuhi, tarehe 15 Agosti, 2017. Wanahisa wanahimizwa kupata Stakabadhi za Hisa zao zilizohifadhiwa katika Hifadhi ya Dhamana (CSD) kutoka kwa Mawakala ambako walinunua hisa hizo.

Vodacom Tanzania inafurahi na kujivunia ukweli kwamba Watanzania wengi wamejitokeza kununua hisa zake. Aidha, Vodacom Tanzania inawashukuru wanahisa wote wa ndani na kutoka nje ya nchi kwa imani waliyoionyesha kwake na kuamua kuwa sehemu ya jamii pana inayounganishwa na maono ya kugusa maisha na kuipeleka Tanzania katika ulimwengu wa kidigitali.

Tupia Comments

On AIRSIKILIZA

Usipitwe na hizi

Advertisement