Michuano ya UEFA Europa League hatua ya 16 bora michezo ya marudiano imeendelea barani Ulaya kwa michezo nane ya marudiano kuchezwa, game ya Arsenal dhidi ya AC Milan ya Italia ni miongoni mwa game za UEFA Europa League zilizochezwa usiku huo.
Arsenal walikuwa wenyeji wa AC Milan katika uwanja wa Emirates lakini AC Milan waliingia katika uwanja huo wakiwa katika mtihani mzito wa kupindua matokeo, baada ya game ya kwanza iliyochezwa Italia kupoteza kwa magoli 2-0, hivyo leo walikuwa wanahitaji ushindi wa kuanzia 3-0 ili kuitoa Arsenal.
Sasa ni rasmi kipigo cha magoli 3-1 kutoka Arsenal kinaiondoa AC Milan katika michuano ya UEFA Europa League hatua ya 16 bora kwa ushindi wa jumla ya aggregate ya magoli 5-1, magoli ya Arsenal ya game ya leo yalifungwa na Danny Welbeck kwa penati dakika ya 39 na 86 baada ya Granit Xhaka kufunga goli la pili dakika ya 71, goli pekee la AC Milan lilifungwa na Hakan Calhanoglu dakika ya 36.
Arsenal wanaungana na timu za CSKA Moscow, Salzburg, Atletico Madrid, Olympique Marseille, Sporting CP, RB Leipzig na Lazio kufuzu robo fainali ya Europa League, droo ya timu kupangwa zilizofuzu kucheza robo fainali zitachezwa na UEFA baadae kujua nani kapangwa na nani.
![](https://millardayo.com/wp-content/uploads/2018/03/Screen-Shot-2018-03-16-at-2.00.19-AM-766x950.png)
TFF imetangaza adhabu kwa makamu wake wa Rais TFF