Swahili Fashion Week
Tangaza Hapa Ad

Uamuzi mpya wa Shaffih Dauda baada ya kujitoa Uchaguzi Mkuu TFF


Ijumaa ya July 28, 2017 Mkuu wa vipindi wa Clouds FM Shaffih Dauda alitangaza kujitoa kwenye kugombea nafasi ya Ujumbe wa Kamati ya Utendaji wa Shirikisho la Mpira wa Miguu Tanzania TFF.

Sasa leo August 8, 2017 kupitia Instagram yake Shaffih ametangaza kurejea tena katika kugombea nafasi hiyo kwenye Uchaguzi Mkuu wa TFF unaotarajiwa kufanyika August 12, 2017 Dodoma baada ya kukata rufaa ambayo ilisikilizwa kisha kufutwa kwa tuhuma zilizodai kuanza kampeni mapema.

Shafii ameandika>>>>” Hatua ya Kwanza.
Nilijitoa kwenye uchaguzi kutokana na siasa za soka ambazo mimi sio muumini wake na sikupenda kuhusishwa nazo.Baada ya tamko langu viongozi wangu kwenye nyanja mbalimbali za ndani na nje ya soka, walinifuata na kuniuliza sababu za kufanya hivyo na kunishawishi nirudi kwenye uchaguzi. Lakini mimi binafsi nikaamua kuendelea na maamuzi yangu.”

“Hatua Ya Pili.
Nilitangazwa kuondolewa kwenye uchaguzi kwa kujihusisha na vitendo visivyokubalika kwenye uchaguzi, ikiwemo kuanza kampeni mapema. Kwasababu ilikua siyo kweli na mimi binafsi sikupendezwa na jinsi jina langu lilivyochafuliwa. Nikaamua kukata rufaa ili nisafishwe na kutoka kwenye tuhuma hizo. Nashukuru kamati ya rufaa imekubali rufaa yangu tuhuma za kuanza kampeni mapema na mengine hazipo tena juu yangu.”

“Hatua Ya Tatu.
Kwa ruhusa yenu wadau, wakubwa wangu na wadogo zangu mlionishawishi niendelee na mchakato. Narudi tena kwenye mchakato baada ya kusafishwa juu ya tuhuma zilizotolewa. Nimefarijika kuona viongozi wa mpira hadi wa serikali walivyoumia baada ya mimi kujitoa kwenye mchakato. Hivyo basi kwa uzalendo wa soka la bongo, tutaendelea kupambana kunyoosha kila kilichopinda ili soka la bongo liwe kwenye mstari.”
#TwenzetuDodoma  – Shaffihi Dauda

KAMA ULIIKOSA AUDI YA SHAFFIH DAUDA AKIELEZEA KUHUSU KUKAMATWA NA TAKUKURU

Soma na hizi

Tupia Comments

On AIRSIKILIZA

Usipitwe na hizi

Advertisement