Watu kadhaa wameripotiwa kujeruhiwa asubuhi ya leo baada ya Basi la abiria la ‘mwendokasi’ kugongana na gari dogo eneo la Kisutu Jijini Dar es salaam, Mashuhuda wameeleza.
Mmoja wa Mashuhuda hao Calvin Amani amesema ajali hii ilitokea majira ya saa kumi na mbili asubuhi ikihusisha gari dogo ambalo Dereva wake hakuzingatia sheria za barabarani kitendo kilichopelekea kugongwa na Basi hilo lililokuwa likitokea maeneo ya Feri.
Shuhuda huyu amesema Dereva wa Basi hilo alijitahidi kulikwepa gari dogo lakini jitihada hizo hazikuzaa matunda kwani pamoja na kuligonga gari hilo aliishia kugonga ukuta wa jengo lililokuwepo upande wa kulia, @AyoTV_ itakuletea taarifa kamili kuhusu ajali hii na Majeruhi.
