Staa wa kimataifa wa Sweden aliyekuwa anaichezea Man United Zlatan Ibrahimovic baada ya kuachwa na Man United kutokana na kuwa na majeruhi na mkataba wake kuelekea ukingoni, leo ametangazwa kupewa mkataba mpya wa mwaka mmoja na Man United.
Zlatan ambaye ameifungia Man United magoli 28 katika mkataba wake uliyomalizika, amepewa mkataba mpya wa mwaka mmoja na Man United baada ya kufanyiwa vipimo na kuona anaendelea vizuri na jeraha lake la goti la kulia, Zlatan sasa atakuwa anavaa jezi namba 10.
Baada ya kusaini mkataba huo Zlatan alisema “Nimerudi kumalizia nilichokuwa nimeanza kufanya nashauku ya kurudi Old Trafford kucheza lakini pia natakiwa kuhakikisha narejea nikiwa vizuri”
Kama utakuwa unakumbuka vizuri Zlatan Ibrahimovic aliumia mwezi April katika game ya Europa League ya Man United dhidi ya Anderletch, hivyo kutokana na jeraha alilokuwa amelipata alikuwa anatazamiwa kuwa anaweza kuwa nje ya uwanja kwa miezi 9 lakini ameonekana anaimarika mapema zaidi.
VIDEO: Penati ilizoipa Simba Ubingwa wa Ngao ya Hisani vs Yanga
