Moto uliozuka katika makao makuu ya polisi kaskazini-mashariki mwa Misri umejeruhi takriban watu 38, kulingana na wizara ya afya ya nchi hiyo.
Moto huo ulizuka alfajiri ya Jumatatu na kuteketeza jengo la ghorofa nyingi lililoko katika jimbo la Suez Canal la Ismailia, kwa mujibu wa msemaji wa wizara hiyo Hossam Abdel-Ghaffar.
12 kati ya waliojeruhiwa walitibiwa eneo la tukio, huku wengine 26 wakipelekwa hospitalini, wote isipokuwa wawili wakiwa na matatizo ya kupumua.
Kulingana na msemaji huyo, 7 kati ya waliojeruhiwa walitibiwa na kuruhusiwa.
Moto huo uliharibu vibaya jengo hilo na kuchukua masaa kadhaa kwa wazima moto kuzima.
Waziri wa Mambo ya Ndani Mahmoud Tawfik alisema uchunguzi kuhusu chanzo cha moto huo utafunguliwa.
Moto huo ni moto mbaya wa hivi punde zaidi kutokea nchini ambapo viwango vya usalama mara nyingi haviko sawa.
Mnamo Agosti 2022, moto katika kanisa moja huko Cairo uliosababishwa na mzunguko mfupi uliua waumini 41.
