Takriban watu 52 wamekufa katika nchi ya Amerika Kusini ya Bolivia kutokana na mafuriko yaliyosababishwa na mvua kubwa katika kipindi cha miezi mitatu iliyopita.
Kulingana na ripoti za vyombo vya habari siku ya Jumamosi, mvua hiyo iliathiri miji mingi, hasa La Paz, na kusababisha hasara nyingi na uharibifu wa mali.
Tangu kuanza kwa msimu wa mvua nchini, watu 52 wamefariki na wengine watano kutoweka.
Mamlaka ilisema mvua kubwa ilisababisha mafuriko katika miji 133, na kuathiri watu 51,668.
Mvua hizo pia ziliharibu nyumba 911, huku nyumba 1,251 zikiwa zimeharibika kiasi, hali iliyosababisha “tahadhari nyekundu” katika baadhi ya maeneo.
