Chidinma Adetshina, mshindi wa zamani wa Miss Afrika Kusini 2024, amekubali kugombea Miss Universe Nigeria 2024.
Mwanamitindo huyo mwenye umri wa miaka 23, ambaye uraia wake wa Afrika Kusini unachunguzwa, alisema katika ujumbe wake wa video siku ya Jumatano kwamba ataheshimu mwaliko wa waandaaji wa Miss Universe Nigeria kushiriki katika shindano hilo.
Ben Murray-Bruce, mwanzilishi wa Kundi la Silverbird linaloandaa shindano la Miss Universe Nigeria, alichapisha video ya Adetshina kwenye mtandao wa X siku ya Jumatano.
“Tunamkaribisha Miss Chidinma Adetshina kushiriki katika shindano la urembo la Miss Universe Nigeria 2024,” Murray-Bruce, mfanyabiashara ambaye aliwahi kuwa seneta wa Jimbo la Bayelsa kutoka 2015 hadi 2019, alisema kwenye X
“Nimepata mwaliko kutoka kwa Kundi la Silverbird ambao ndio waandaaji wa Mashindano ya Urembo ya Miss Universe Nigeria, nasema haya kwa msisimko mkubwa kwa sababu nimeamua kushiriki shindano la urembo la Miss Universe Nigeria 2024 alisema Miss Chidinma
“Ninaelewa matarajio na majukumu yanayotokana na taji hili, na ninafuraha sana kuanza safari hii. Natarajia kushiriki shindano la kifahari la urembo barani Afrika, Miss Universe Nigeria.”
Hadi wiki ya mwisho ya fainali ya Miss Afrika Kusini 2024, Adetshina alikuwa miongoni mwa washiriki 13 bora katika shindano hilo.
