Mwenyekiti wa Clouds Media Group, Joseph Kusaga, alikutana na Balozi wa Marekani nchini Tanzania, Mheshimiwa Michael A. Battle Sr. Katika majadiliano yao, walijadili kazi kubwa inayofanywa na Clouds Media Group, ikiwemo kujitolea kwake katika kuwezesha jamii na kuunda fursa muhimu kwa vijana nchini Tanzania na maeneo mengine.
Pia walizungumzia Malkia Choice FM (102.5 FM), kituo cha redio cha kwanza Afrika Mashariki kinacholenga wanawake, mradi unaolenga kuleta sauti za wanawake na kukuza usawa. Balozi alieleza kuvutiwa sana na maono ya Clouds Media Group na kutambua umuhimu wa vyombo vya habari katika kuleta mabadiliko katika jamii.
Aidha, alionyesha nia ya dhati ya kuziangalia fursa za ushirikiano ili kuleta matokea chanya ya Malkia Choice FM na kuunda fursa pana zaidi za kuhamasisha na kuinua jamii.
