Staa wa muziki kutokea nchini Nigeria, David Adeleke, maarufu kama Davido, amedai kuwa madaktari bora ambao wanafanya kazi nchini Marekani wengi hutokea nchini Nigeria.
Davido ameyasema hayo alipokuwa akiangazia michango ya waafrika katika sekta ya taaluma na ubunifu kupitia lininga ya Afric TV.
“Madaktari bora zaidi Marekani ni Wanigeria.
Hata katika ‘record label’ yangu waafrika huleta mawazo bora zaidi.”
“Netflix na Amazon Prime pia huja Afrika kupata mawazo ya filamu. Ukiingia kwenye Netflix utakuta filamu mbili za Kinigeria kwenye kumi bora. Ninahisi afrika tuna kila kitu lakini tunakosa vitu vichache tu.”
Hata hivyo, ingawa Marekani kuna madaktari wazuri wa Kinigeria, lakini takwimu hazionyeshi kuwa wao ni bora zaidi.
