Kiungo wa kimataifa wa Ubelgiji anayecheza Man United Marouane Fellaini yupo mbioni kuihama club hiyo na kwenda kucheza soka China, panapo tajwa kutengewa dau nono la kumfanya aondoke zake Ulaya na kwenda Asia ambapo wanasoka wengi wamekuwa wakishawishika kwenda kwa ajili ya kuvuna pesa ambazo wengi wanapenda kuita kwenda kuvuna pensheni.
Marouane Fellaini mwenye umri wa miaka 31 alijiunga na Man United mwaka 2013 akitokea Everton ya England, hivyo Jumanne ya January 29 alikuwa anatajwa kuwa kwenda katika uwanja wa Man United wamazoezi kwa ajili ya kukutana na viongozi wake juu ya hatma ya kwenda kwake China.
Hata hivyo uamuzi wa Marouane Fellaini kwenda China bado upo mikononi mwake na anao muda wa kutosha kujishauri kuhusiana na hilo, kwani dirisha la usajili China linafungwa February 28, Marouane Fellaini alikuwa ni kipenzi cha kocha Jose Mourinho ila amekiwa na wakati mgumu chini ya kocha wa mpito Ole Gunnar Solskjaer ambaye amecheza kwa jumla ya dakika 31 katika game dhidi ya Crystal Palace na Reading.
Marouane Fellaini hadi sasa ndani ya kikosi cha Man United toka alipojiunga nao mwaka 2013 akitokea Everton, amecheza jumla ya game 177 akianza katika kikosi cha kwanza katika game 106, amecheza jumla ya dakika 10,446, kafunga magoli 22, assist 6, ameoneshwa kadi 30 za njano na nyekundu kadi 3.
Ukimuuliza Ajib wa Yanga ishu ya Beno Kakolanya atakujibu hivi
