Waziri wa Habari, Mawasiliano na Teknolojia ya Habari Nape Nnauye ametahadharisha Halmashauri zote nchini kuwa makini na Wenye pesa ili wasitumie uwezo wao kununua majina ya mitaa na barabara.
Waziri Nape amesema uwekaji wa majina ya mitaa na barabara ni vyema yakaaksi uhalisia wa nchi ikiwemo kutumia majina ya viongozi mashuhuri wa nchi na majina ya watu maarufu kwenye baadhi ya maeneo.
Waziri Nape ametoa tahadhari hiyo wakati akizungumza na viongozi wa mkoa wa Kilimanjaro katika mwendelezo wa ziara yake kukagua na kuhamasisha zoezi la anuani za makazi.
