Msanii Mkongwe Hamis Juma Mbizo maarufu H Mbizo amefariki Dunia jana Ijumaa Mjini Morogoro alipokuwa akipatiwa matibabu baada ya kuugua Kwa muda wa Mwezi mmoja na anatarajiwa kuzikwa kesho Dar es salaam.
Ayo TV imeongea na Baba Mzazi wa Marehemu Mzee Juma Mbizo ambapo amesema Mwanae alikuwa akiishi Afrika Kusini Kwa miaka minne iliyopita akijihusisha na muziki na alikuwa akiugua mgongo na mguu “Alizidiwa baada ya kuja hapa Tanzania mpaka umauti unamkuta Morogoro alipokuwa akipatiwa matibabu na Dada yake”
Mzee Mbizo amesema bado yupo Hospitali akifuatilia taratibu za kuchukua mwili na kuusafirisha hadi Dar es saalam kwa ajili ya maziko kesho Jumapili katika makaburi ya Ndungumbi.
Hapa nimekusogezea video ufahamu aliyozungumza Katibu wa BASATA baada ya kufika kwenye msiba huo.
