Waziri Mkuu wa zamani wa Pakistan Imran Khan amepewa dhamana katika kesi nyingi na mahakama ya kupambana na ugaidi katika mji mkuu Islamabad.
Ripoti za vyombo vya habari siku ya Jumanne zilisema chifu wa chama cha Pakistan Tehreek-e-Insaf (PTI) alipewa dhamana hadi Juni 8 katika kesi nane zinazohusiana na ghasia katika jumba la mahakama mwezi Machi mwaka huu.
Mke wa Khan Bushra Bibi pia alipewa dhamana ya ulinzi hadi Mei 31 katika kesi ya ufisadi siku ya Jumanne na Ofisi ya Kitaifa ya Uwajibikaji (NAB) katika mahakama ya Islamabad.
Baada ya mahakama ya Islamabad Jumanne kumpa ulinzi Khan asikamatwe hadi Juni 8, yeye na mkewe waliondoka kuelekea Rawalpindi iliyo karibu ili kufika mbele ya mahakama ya NAB.
Khan, ambaye anasema anakabiliwa na takriban kesi 150 za kisheria dhidi yake tangu kuondolewa kwake mwezi Aprili mwaka jana, atafikishwa mbele ya mahakama nyingine ya NAB katika mji wa Rawalpindi ulioko ngome ya jeshi baadaye siku hiyo.
Wanandoa hao wanatuhumiwa kupokea zawadi ya mali kujenga chuo kikuu cha kibinafsi badala ya kutoa faida kwa tajiri wa mali isiyohamishika. Khan anakanusha shtaka hilo akisema yeye na mkewe hawakuhusika katika makosa yoyote.
Khan amefanya kampeni dhidi ya serikali ya mrithi wake, Waziri Mkuu Shehbaz Sharif, akidai kuondolewa kwake ni kinyume cha sheria na akitaka uchaguzi wa mapema.
chanzo:Alja zeera
