Ni wazi, Mihailo Toloto, sio mtu pekee ambaye hajawahi kuona mwanamke katika maisha yake yote wapo watu waliozaliwa vipofu hawaoni chochote, lakini hadithi yake ni ya pekee kwa kuwa hajawahi kukutana na mwanamke, akiwa ametumia maisha yake yote kati ya watawa wenzake na amekuwa akitembelewa na wageni wa kiume mara kwa mara.
Baada ya kifo chake, watawa wenzake Mihailo walipanga mazishi ya pekee kwa ajili yake, wakiamini kuwa yeye ndiye mwanamume pekee ulimwenguni aliyekufa bila kuona, kugusa, au kuingiliana na mwanamke kwa njia nyingine yoyote.
Kulingana na nakala ya gazeti la zamani, mtawa wa Uigiriki pia alikuwa hajawahi kuona gari au ndege, ingawa hilo sio jambo la kushangaza ukizingatia umri na mahali alipokuwa akiishi.
Mihailo Toloto alikuwa mtawa wa Kigiriki ambaye alitumia maisha yake yote ya miaka 82 kwenye Mlima Athos bila kumtazama mwanamke halisi.
Alizaliwa mwaka wa 1856, Mihailo Toloto alikabiliwa na matatizo tangu alipokuja ulimwenguni inasemekana kuwa mama yake alikufa saa nne tu baada ya kuzaliwa kwake, na bila baba wa kudai kuwa ni wake, aliachwa kwenye ngazi za nyumba ya watawa iliyo kwenye Mlima Athos, kitovu cha utawa wa Orthodox.
Mtawa wa hapo alimchukua na nyumba ya watawa ikawa makao yake ya kudumu.
Akiwa amelelewa na kuelimishwa ndani ya nyumba ya watawa iliyozungukwa na ukuta, Mihailo alikua mtawa na inasemekana kwamba hakuwahi kutoka mlimani hadi kifo chake, mwaka wa 1938. Na kwa kuwa wanawake hawaruhusiwi kukanyaga Mlima Athos, Miahilo Toloto alikufa bila kuona mwanamke.
