Ni June 1, 2023 ambapo Waziri wa Nishati, January Makamba amehitimisha Mjadala wa Bajeti ya Wizara ya Nishati Bungeni Dodoma.
“Na wao wanajua wafanyakazi wa TANESCO, kwa mara ya kwanza katika miaka 17 tumewapandishia mishahara majuzi. Miaka 17 hatujapandisha mishahara. Sasa hivi tunapimana kwa matokeo”—Waziri wa Nishati, January Makamba.
“Hatutapunguza mtu kazi TANESCO, ila tutawahitaji wawe tayari kupokea ujuzi mpya na majukumu mapya yanayoendana na mahitaji ya dunia mpya. Waondoke katika ‘comfort zone’ kwa sababu dunia ya huduma inabadilika. Umeme ni huduma. Kwa hiyo tutawapa mafunzo, tutawawezesha, na tutakuwa nao.” Waziri wa Nishati, January Makamba
Waziri Makamba amesisitiza kwamba yeye anajikita kwenye kuwa karibu na wafanyakazi hao na kuwajengea uwezo badala ya kuwaza kuwafukuza.
