Mkuu wa Mkoa wa Geita Mh.Martine Shigella Agosti 5, 2023 akiwa Wilayani chato Mkoani Geita katika Mkutano wa wananchi ulioandaliwa na Mbunge wa Jimbo hilo amekemea Baadhi ya wanasiasa ambao wamekuwa wakibeza shughuli zinazofanywa na Serikali ya awamu ya sita Chini ya Rais Samia Suluhu Hassan na kusema ni Mteule wa Hayati Magufuli.
Shigella ameyasema hayo Baada ya kukutana na wabunge wa Majimbo yote ya Mkoa wa Geita ambapo amesema uwezo wa Rais Dkt.Samia ulipimwa na Hayati Magufuli enzi za uhai wake licha ya Baadhi ya wanasiasa kubeza Juhudi anazozifanya katika Serikali yake.
Katika hatua nyingine Shigella amempongeza Mbunge wa Jimbo la Chato Mhandisi Medard Kalemani kwa kuaminiwa na Hayati Magufuli Pamoja na Rais Mstaafu Jakaya Mrisho Kikwete.
