Ni Septemba 26, 2023 ambapo Afisa Habari wa Klabu ya Young Africans, Ali Kamwe amezungumza na vyombo vya habari, hizi ndio sentensi zake ama nukuu zake kutoka kwenye mkutano huo na Wanahabari.
‘Msimu huu tumekuja kiutofauti, mechi zote za Kimataifa tutazitangaza kwa jina la mchezaji kama ambavyo tulifanya kwa @maxinzengeli Mchezaji wetu ujao utakuwa mtoko wa @aziz.ki.10 Kila shabiki atakuja uwanjani na funguo. Lazima tuwe na funguo ya kuingia mlango wa makundi ambao haujafunguka. Hii itaitwa 𝐊𝐄𝐘 𝐃𝐀Y’- Afisa Habari wa Young Africans Ali Kamwe
‘Ukitaka kujua wana Yanga wana ugwadu na huu mchezo, tayari baadhi yao wameshaingia kwenye mfumo kuangalia tiketi, Tayari baadhi ya mashabiki wameshanunua tiketi kupitia mfumo kabla ya sisi kutangaza mfumo hadharani’- Afisa Habari wa Young Africans Ali Kamwe
“Sisi sio Klabu namba tatu kwa ubora wa Afrika kwa bahati mbaya, ni lazima tuonyeshe hilo kwa kutinga hatua ya makundi. Hivyo hizi tiketi zinaweza kuisha mapema mno kama shabiki hutanunua tiketi mapema”- Afisa Habari wa Young Africans Ali Kamwe
