Taarifa zaidi sasa kuhusu hali inayoendelea katika hospitali ya Al-Shifa, ambayo jeshi la Israel liliingia Jumatano asubuhi.
Wizara ya afya ya Gaza inayosimamiwa na Hamas imesema kuwa vikosi vya Israel “vimeharibu idara ya radiolojia, kulipua idara ya walioungua na figo” na sasa “wanachunguza madaktari, waliojeruhiwa na waliokimbia makazi yao” katika hospitali hiyo kubwa zaidi huko Gaza.
BBC haijathibitisha madai hayo lakini inajitahidi kubaini kinachoendelea hospitalini.
Timu yetu ya Jerusalem imejaribu mara kwa mara kupiga simu au kutuma ujumbe kwa madaktari watatu wa Al-Shifa tangu asubuhi, lakini haijaweza kuwafikia. Hatujui ni kwa kiasi gani hili ni suala lililojanibishwa au linahusiana na kampuni za mawasiliano huko Gaza kukosa mafuta.
