Kamanda wa Polisi Mkoa wa Tabora Kamishna Msaidizi wa Polisi Richard Abwao ameiambia @AyoTV_ kuwa ajali ya Basi la Kampuni ya Happy Nation (T657 EBK) iliyotokea leo Igunga Tabora likisafiri kutoka Mwanza kwenda Dar ss salaam imejeruhi Watu saba.
RPC Abwao amesema sita kati ya hao saba wameruhusiwa kutoka Hospitali na kuendelea na safari lakini mmoja ambaye amevunjika vidole amebaki akiendelea kupata matibabu.
Kamanda Abwao amesema Basi hilo ni moja ya Mabasi yanayoondoka Mwanza alfajiri sana na lilianguka baada ya kupoteza mwelekeo majira ya saa moja asubuhi kwenye eneo hilo ambalo ni Kilometa zisizopungua 300 kutoka Mwanza.
Eneo hilo ilikotokea ajali linatajwa kuwa na mteremko mkali ambao Dereva asipokuwa makini ni rahisi kusababisha ajali.
