Mwanaume mmoja aitwae Issa Shabani (32) mkazi wa Kijiji cha Kiperesa Wilayani Kiteto Mkoani Manyara, amenusurika kifo baada ya kushambuliwa na tembo walioonekana Kijijini hapo wakati alipojaribu kupiga picha ya selfie na tembo hao.
Kamanda wa Jeshi la Polisi Mkoa wa Manyara, RPC George Katabazi amesema tukio hilo limetokea Machi 12/2023 ambapo tembo watatu walionekana wakiwa kwenye mashamba yaliyopo karibu na makazi ya watu wa Kijiji cha Kiperesa.
Kaka wa majeruhi amesema hali ya mdogo wake imeanza kuimarika baada ya kufikishwa hospitali ya Kiteto na kupatiwa matibabu pamoja na kwamba wametakiwa kumpeleka hospitali ya Benjamin Mkapa Dodoma kwa matibau zaidi.
“Ndugu yangu alikanyagwa na tembo, alichomwa ubavuni utumbo ukatoka nje ila sasa hivi baada ya kupata matibabu hali yake sio mbaya tunatafuta fedha tutaenda hospitali ya Benjamini mkapa kwa matibabu zaidi”
