Golikipa wa Simba SC Ally Salim amefanikiwa kutwaa tuzo yake ya kwanza ya mchezaji bora wa Simba SC wa mwezi April 2023 inayotolewa na Emirate Alluminium Profile sambamba na kiasi cha pesa cha Tsh milioni 2.
Hii ni tuzo ya kwanza ya Ally Salim kuwahi kushinda ndani ya Simba SC katika timu ya wakubwa, mshindi hupatikana kwa kupigiwa kura na mashabiki wa club yake.
Ally Salim alikuwa anawania tuzo hiyo na Kibu Denis na Jean Baleke na amewashinda kwa kuonesha kiwango kikubwa mwezi April katika michezo dhidi ya Ihefu, Yanga na Wydad Casablanca ya Morocco.
