Amazon imekubali kulipa $30.8m ili kutatua madai kwamba ilikiuka faragha ya wateja, ikiwa ni pamoja na kupeleleza wanawake katika nyumba zao.
Kampuni hiyo kubwa ya teknolojia ilikubali kulipa $5.8m sawa na zaidi ya Tsh. bil 70 baada ya Tume ya Biashara ya Shirikisho la Marekani (FTC) kusema mfanyakazi wa zamani wa Amazon alikuwa akiwapeleleza wateja wa kike kwa miezi kadhaa mwaka wa 2017 kwa kutumia kamera za ulinzi za Ring zilizowekwa katika vyumba vya kulala na bafu.
Amazon ilikubali suluhu tofauti ya dola milioni 25 kwa madai kwamba ilikiuka faragha ya watoto kwa kushindwa kufuta sauti iliyonaswa na rekodi za kipaza sauti cha Alexa ilipoombwa na wazazi na kuweka rekodi ya matukio kwa muda mrefu kuliko inavyohitajika.
Samuel Levine, mkurugenzi wa Ofisi ya Ulinzi ya Watumiaji ya FTC, alisema Amazon “imeweka kipengele cha faragha kwa faida.”
“Kupuuza kwa teknolojia iliyo wekwa ya Ring kwa ajili ya faragha na usalama kulifanya watumiaji kupelelezwa kinyume na matakwa yao,” Levine alisema katika taarifa yake Jumatano.
Amazon ilisema haikubaliani na sifa za FTC na kukana kuvunja sheria lakini kwamba suluhu hiyo kutafanya jambo hilo kutojirudia tena.
Chini ya maagizo yaliyopendekezwa na FTC, teknolojia ya ‘Ring’ ingefuta data yoyote ambayo ilitazamwa kinyume cha sheria na itaanzisha vipengele vya usalama ikiwa ni pamoja na uthibitishaji wa vipengele vingi, huku Amazon kuanzisha programu ya faragha ya kutumia eneo la kijiografia la watumiaji wake.
