Shirika la kutetea haki za binadamu la Amnesty International linasema magereza ya Iran yamegeuka kuwa “maeneo ya kuua” huku idadi ya watu walionyongwa kwa makosa yanayohusiana na madawa ya kulevya ikiwa karibu mara tatu mwaka huu ikilinganishwa na 2022, na kuiita “kiwango kisicho na aibu” ambacho kinafichua “ukosefu wa ubinadamu” wa serikali.
Shirika la kutetea haki za binadamu lenye makao yake mjini London lilisema katika ripoti iliyotolewa Juni 2 kwamba mamlaka ya Iran imewanyonga watu wasiopungua 173 waliopatikana na hatia ya makosa yanayohusiana na dawa za kulevya mwaka huu baada ya “mashitaka yasiyo ya haki,” karibu mara tatu zaidi ya mara hii mwaka jana.
Amnesty ilisema wanachama wa kabila la wachache la Baluch nchini Iran walichangia karibu asilimia 20 ya mauaji yaliyorekodiwa, “licha ya kuwa ni asilimia 5 tu ya watu wa Iran.”
Mamlaka nchini Iran zimetekeleza adhabu ya kuwanyonga kiasi watu 173 mwaka huu, walioshtakiwa kwa makosa yanayohusiana na usafirishaji madawa ya kulevya.
Shirika la kutetea haki za binadamu la Amnesty International,limesema idadi hiyo ni takriban mara tatu zaidi ya iliyoonekana mwaka jana.
Amnesty International limesema hatua hiyo imeonesha ukosefu wa ubinadamu nchini Iran na kupuuzwa kwa haki ya mtu kuishi lakini pia ni hatua iliyokiuka sheria ya kimataifa.
