April 17 2016 Waziri wa Kilimo, Uvuvi na Ufugaji Mwigulu Nchemba aliongozana na Waziri wa Afya Ummy Mwalimu mpaka kwenye machinjio ya Vingunguti Dar baada ya machinjio hayo kufungiwa na Mamlaka ya Chakula na Dawa TFDA kwa kutozingatia usalama na usafi wa maeneo ya machinjio.
Baada ya kikao cha muda mfupi kilichofanyika kwenye machinjio ya Vingunguti Waziri Nchemba aliyaongea haya ‘Kwanza kuna mambo kadhaa tumeyaona ambayo TFDA wamefanya kazi nzuri sana nawapongeza sana wamebaini ukosefu wa maji, na pia visu vinavyotumika kuchinjia vinasafishwa mahali ambapo sio salama vinasafishwa bafuni‘>>>Mwigulu Nchemba Waziri wa Kilimo Uvuvi na Ufugaji
‘Sasa tulichokubaliana leo ni kwamba watengeneze baadhi ya sehemu ambazo zinawezekana kwasababu vifaa wanavyo na pili kati ya leo au kesho waweke zile mashine za kuning’inizia ngo’mbe wakati wa kuchuna , na la tatu warekebishe mabomba ya maji hapa machinjioni‘>>>Waziri wa Kilimo Uvuvi na Ufugaji Mwigulu Nchemba
‘Kadri tunavyotaka nyama iwepo katika mabucha yetu wananchi wapate nyama kwa bei nafuu lakini lazima tuhakikishe hiyo nyama ni salama na imechinjwa katika mazingira safi na salama kwa ajili ya matumizi ya binadamu, sisi kama wizara ya afya ni wajibu wetu kuhakikisha kanuni za afya na usafi zinazingatiwa’ >>>Waziri wa Afya Ummy Mwalimu
”Kwa hiyo nataka kuwatoa hofu watanzania kuwa nyama itakayokuwa kwenye mabucha itakuwa ni nyama salama lakini tutahakikisha tunaendelea kulinda viwango vya nyama ili wasiweze kupata madhara ya kiafya‘>>>Waziri wa Afya Ummy Mwalimu
Sehemu ya mabomba ya maji
Sehemu ya kunin’ginizia ng’ombe wakati wa kuchuna
Kutoka kushoto ni Mwigulu Nchemba, Ummy Mwalimu na Mbunge wa Jimbo la Segerea
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>> INSTAGRAM TWITTER FB YOUTUBE
