Mwanamume Mghana anayeishi Ubelgiji alichanganyikiwa sana kwa kushindwa mara kwa mara sehemu ya kinadharia ya mtihani wa kuendesha gari hivi kwamba alilipa mtu anayefanana nae ili kufanya mtihani huo badala yake.
Serge, mhamiaji wa Ghana anayeishi Grammont, Ubelgiji, alikuwa akijitahidi kufaulu mtihani wake ili kupata leseni ya kuendesha gari kwa zaidi ya mwaka mmoja.
Anadai kuwa huyo tayari alikuwa amepata leseni katika nchi yake, lakini hakuweza kuitumia kuendesha gari nchini Ubelgiji, na sehemu ya kinadharia ya mtihani huo kuonesha uendeshaji wake ilikuwa ikimuumiza kichwa sana kwani alikuwa amejaribu na kushindwa mtihani huo mara 12, lakini hakuweza tu kukata tamaa, kwani kuwa na leseni ya udereva kulimfungulia chaguzi zenye faida kubwa sana nchini Ubelgiji.
Mwishowe, aliamua kudanganya kwa hivyo akaanza kutafuta mtu mwenye sura kama yeye ili kufanya mtihani huo kwa niaba yake.
Baada ya muda, Serge alikutana na Julien, mhamiaji mwenzake mwenye asili ya Congo, ambaye si tu alionekana kufanana kwa kiasi fulani lakini, muhimu zaidi, alikuwa tayari amepata leseni yake ya udereva ya Ubelgiji kisha wawili hao walikubaliana kwamba kufanya mtihani huo huko Mons, katika eneo la Ubelgiji la Wallonia.
Kwa bahati mbaya, tathmini yao haikuwa sahihi kwani mara tu Julien alipompa mmoja wa wasahihishaji kitambulisho cha Serge katika chumba cha mtihani, alijua kwamba alikuwa si yeye na baada ya kumtazama tu, mtu huyo alikuwa akimchunguza Julien kwa makini na kuona tofauti za usoni kati yake na Serge.
Wanaume wote wawili hatimaye waliwekwa chini ya ulinzi na hivi karibuni walifika mbele ya hakimu.
“Bila uangalifu wa mtu huyu (mtahini), angepokea leseni yake ya kuendesha gari, ingawa hana uwezo wa kuendesha gari kwenye barabara zetu,” mwendesha mashtaka alisema kuhusu Serge mahakamani.
