Mwalimu wa kilimo kutoka Minnesota, Marekani, Travis Gienger, ameshinda Taji la mashindano ya mwaka ya uzito wa Maboga huko California kwa mara ya nne mfululizo, baada ya Boga lake kuonyesha uzito wa pauni 2,471 (kilogramu 1,121) katika mashindano ya 51 ya Uzito wa Maboga Duniani yaliyofanyika Half Moon Bay, kusini mwa San Francisco na Gienger alishinda kwa pauni 6 (kilogramu 2.7) dhidi ya mpinzani wake wa karibu.
Ingawa uzito wa boga hilo umeangukia mbali na Rekodi ya Dunia aliyoiweka mwaka jana ya pauni 2,749 (kilogramu 1,247), Gienger alijitahidi kuhakikisha udongo wake ni wenye Afya na Mimea imepewa lishe bora, hata hivyo hali mbaya ya hewa ikiwa na Mvua nyingi kwa wakati wa vuli ilichangia kwenye ukuaji wa boga lake.
Gienger, mwenye umri wa miaka 44, alisema, “Tulikuwa na hali ngumu sana ya hewa, lakini kwa namna fulani niliendelea kufanya kazi.” Aliongeza kuwa ilikuwa kazi ngumu lakini alifurahia matokeo na Familia yake ilichukua masaa 35 kusafirisha boga hilo hadi California.
Boga hilo kubwa litapelekwa Kusini mwa California ambapo timu ya wachongaji itafanya uchongaji wa 3D kwenye boga hilo.
