Manchester United wameandaa orodha ya washambuliaji wanaolengwa ikiwa ni pamoja na Ivan Toney, Jonathan David na Joshua Zirkzee,kulingana na vyanzo vya habari.
United wanatafuta mshambuliaji baada ya kuondoka kwa Anthony Martial kwa uhamisho huru.
Benjamin Sesko pia amekuwa akiwindwa sana, lakini mchezaji huyo wa kimataifa wa Slovenia ameamua kusaini mkataba mpya katika klabu ya RB Leipzig.
Rasmus Højlund ndiye mshambuliaji pekee anayetambulika kwenye kikosi cha United. Mchezaji huyo mwenye umri wa miaka 21 alifunga mabao 16 katika msimu wake wa kwanza Old Trafford lakini klabu hiyo inafahamu kumpa mchezaji huyo wa kimataifa wa Denmark ushindani zaidi mbeleni.
Zirkzee alifurahia msimu mzuri akiwa na Bologna, akifunga mabao 12 katika michezo 37. Mchezaji huyo mwenye umri wa miaka 23, ambaye alikaa Bayern Munich mapema katika maisha yake ya soka, ana kipengele cha kuachiliwa kwa pauni milioni 34 katika mkataba wake.
Mchezaji wa kimataifa wa Kanada David, 24, aliifungia Lille mabao 26 msimu uliopita yakiwemo 19 kwenye Ligue 1.
