Fowadi wa Ufaransa Ousmane Dembele ameachwa nje ya kikosi cha PSG kwa ajili ya mchezo wao wa Ligi ya Mabingwa dhidi ya Arsenal Jumanne baada ya sakata la kuzozana na kocha wake chanzo cha karibu na klabu hiyo kiliiambia AFP.
Kukosekana kwa Dembele hakuhusiani na jeraha lakini bali ni”uamuzi wa kocha” Luis Enrique, chanzo kiliiambia AFP.
Dembélé ametemwa na Luis Enrique baada ya wawili hao kuzozana Jumamosi, siku moja baada ya ushindi wao wa 3-1 dhidi ya Rennes.
Klabu inaunga mkono uamuzi wa kocha, vyanzo viliiambia ESPN.
Mchezaji wa kimataifa wa Ufaransa Dembélé ameanza vyema msimu wa Ligue 1, akifunga mabao manne na kutoa pasi nne za mabao katika mechi sita huku PSG wakiwa kileleni mwa ligi.
Luis Enrique amewahi kusisitiza umuhimu wa nidhamu kwa wachezaji wake. Msimu uliopita, alichagua kusafiri hadi Toulouse bila Kylian Mbappé na Dembélé kwa sababu hawakuwa na kazi ya kutosha katika mazoezi.
