Sahau kuhusu chakula cha gharama na wakati mwingine mavazi na vitu vya thamani ambavyo wanaojua thamani ya viumbe hai wasio binadamu huwanunulia viumbe hao.
Tumekuwa tukishuhudia namna nyumba za Mbwa zinavyokuwa mara nyingi ni kama sehemu ambayo hastahili kuishi kiumbe lakini wapo wanaojua thamani ya Mbwa na huamua kujitoa kwa ajili yao.
Hizi hapa ni nyumba za Mbwa 7 ghali zaidi duniani.
7: The Farmhouse
Hii inatajwa pia kuwa miongoni mwa nyumba za Mbwa zenye thamani kubwa. Nyumba hii licha ya kuwa na madirisha yenye vioo lakini ina vyumba vingi. Ni nyumba ambayo ina thamani ya Dollar 2,200 ambazo ni sawa na Tsh. 4.8m.
6: The Hunderhaus Cubix
Kama unatafuta nyumba kwa ajili ya Mbwa wako, hii itakufaa. Ina madirisha ya vioo kwa ajili ya kupitisha mwanga na kwa namna ilivyojengwa humfanya Mbwa aishi sehemu yenye usalama zaidi. Unaambiwa kama unahitaji nyumba hii utalazimika kulipa zaidi ya Dollar 2,600 ambazo ni sawa na Tsh. 5.7m.
5: The Dream Come True
Ni miongoni mwa nyumba za Mbwa nzuri zenye kupendeza ambapo unaambiwa ukihitaji utalazimika kulipa Dollar 2,600 sawa na Tsh. 5.7m.
4: The Palace
Kama unahitaji Mbwa wako kuishi katika nyumba hii ambayo ni moja kati ya nyumba za Mbwa nzuri na zenye gharama utalazimika kulipa Dollar 5,400 sawa na Tsh. 11.8m.
3: The Colonial
Nyumba hii ilibuniwa na La Petite Maison na gharama yake ni Dollar 6,100 sawa na Tsh. 13.4m. Unaambiwa nyumba hii ilibuniwa kama nyumba ya mmiliki wa Mbwa.
2: The Hacienda
Ulishawahi kufikiria nyumba ya Mbwa kuwa na maji yatembeayo, umeme na AC? Hujawahi, lakini yupo ambaye amefanya hivyo kwa ajili ya Mbwa wake. Nyumba hii ilimgharimu mteja Dollar 30,000 sawa na Tsh. 66m.
1: The Mansion
Unaweza kufikiria kutumia Dollar 325,000 sawa na zaidi ya Tsh. 715m kwa ajili ya nyumba ya Mbwa? Hivyo ndivyo alivyofanya Paris Hilton. Mbwa wake sita wanalala sehemu hii. Ina eneo la square 300 na imejengwa kwa mfano wa nyumba yake.
EXCLUSIVE: Ebitoke afunguka baada ya kukutana na Ben Pol!!!
