Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi, Makamu Mwenyekiti wa CCM Zanzibar amesema ataendelea kujitahidi kutimiza ahadi alizowaahidi wananchi wa Zanzibar na kutekeleza ilani ya uchaguzi ya CCM mwaka 2020-2025.
Rais Dk.Mwinyi ameyasema hayo leo alipokutana na Wenyeviti wa Chama cha Mapinduzi Mikoa ya Tanzania bara na Zanzibar waliofika Ikulu Zanzibar leo tarehe 30 Agosti, 2023.
Aidha Rais Dk.Mwinyi amempongeza Mwenyekiti wa CCM Taifa na Rais wa Jamhuri ya Muungano wa Tanzania Mhe.Dkt Samia Suluhu Hassan kwa kutoa mialiko ya Wenyeviti hao kuhudhuria Tamasha la Kizimkazi mwaka huu.
Naye Mjumbe wa kamati kuu ya CCM Taifa , Mwenyekiti wa CCM Mkoa wa Tabora Mzee Hassan Wakasuvi akizungumza kwa niaba ya Wenyeviti wa CCM wa Mikoa amempongeza Rais Dk.Mwinyi kwa mabadiliko ya maendeleo yaliyofanyika Zanzibar chini ya uongozi wake na kuendelea kutekeleza vema ilani ya uchaguzi ya CCM 2020-2025 kwa kutimiza ahadi na kuwaletea maendeleo wananchi wa Zanzibar pia amempa moyo kuwa viongozi walioko Tanzania bara tumejionea mabadiliko yaliyofanyika Zanzibar.
![](https://millardayo.com/wp-content/uploads/2023/08/WhatsApp-Image-2023-08-30-at-2.04.04-PM-950x633.jpeg)
![](https://millardayo.com/wp-content/uploads/2023/08/WhatsApp-Image-2023-08-30-at-2.04.05-PM-950x633.jpeg)
![](https://millardayo.com/wp-content/uploads/2023/08/WhatsApp-Image-2023-08-30-at-2.04.08-PM-950x633.jpeg)
![](https://millardayo.com/wp-content/uploads/2023/08/WhatsApp-Image-2023-08-30-at-2.04.17-PM-950x633.jpeg)
![](https://millardayo.com/wp-content/uploads/2023/08/WhatsApp-Image-2023-08-30-at-2.04.14-PM-950x634.jpeg)
![](https://millardayo.com/wp-content/uploads/2023/08/WhatsApp-Image-2023-08-30-at-2.04.15-PM-950x634.jpeg)