Ed Sheeran ameshinda kesi ya ukiukaji wa hakimiliki iliyohusisha wimbo wake ulioshinda Grammy “Thinking Out Loud” na Marvin Gaye classic “Let’s Get It On.”
Mahakama ya Manhattan imegundua kuwa mwanamuziki huyo hakuhusika katika ukiukaji wa hakimiliki kimakusudi kufuatia kesi iliyomshuhudia Sheeran akicheza gitaa na kuimba mahakamani.
Mahakama ilifikia uamuzi wake baada ya takriban saa tatu za mashauriano.
“Ni wazi nimefurahishwa sana na matokeo ya kesi. Na inaonekana kama sihitaji kustaafu kazi yangu ya siku,” Sheeran aliwaambia waandishi wa habari nje ya mahakama. “Lakini wakati huo huo, nimechanganyikiwa sana kwamba madai yasiyo na msingi kama haya yanaruhusiwa kwenda mahakamani.”
Walalamikaji walikataa kutoa tamko nje ya mahakama kufuatia hukumu hiyo.
Sheeran alikuwa ameshutumiwa kwa kunakili wimbo wa “Let’s Get It On” na familia ya marehemu mwandishi mwenza wa wimbo huo, Ed Townsend.
Kesi hiyo inadai kuwa Sheeran alichukua mdundo, wa nyimbo na vipengele vingine vya wimbo wake wa 2014 “Thinking Out Loud” bila ruhusa ya wimbo wa mwaka wa 1973 wa “Let’s Get It On,” ambao Crump alisema umekuwa “jiwe la msingi” katika tajriba ya Marekani.
Upande wa utetezi, ulisema Ed Sheeran na mwandishi mwenza Amy Wadge “walitengeneza idea ya wimbo “Thinking Out Loud.”
“Wimbo wao ulizaliwa kutokana na mazungumzo ya kihisia,” wakili wa Sheeran, Ilene Farkas, alisema. “Ilikuwa utashi wao wa asili.”
