Rais mteule wa Marekani Donald Trump amemteua mkuu wa teknolojia billionea Elon Musk na aliyekuwa mgombea urais wa chama cha Republican Vivek Ramaswamy kama wateule wake wa kuongoza kile kinachoitwa Idara ya Ufanisi wa Serikali, chombo kipya anachopanga kuanzisha mara tu atakaporejea Ikulu ya White House.
“Kwa pamoja, Wamarekani hawa wawili wa ajabu watafungua njia kwa Utawala wangu kufuta Urasimu wa Serikali, kupunguza kanuni za ziada, kupunguza matumizi ya fujo, na kurekebisha Mashirika ya Shirikisho,” Trump alisema katika taarifa Jumanne.
“Muhimu zaidi, tutaondoa upotevu mkubwa na ulaghai ambao upo katika matumizi yetu ya kila mwaka ya Dola Trilioni 6.5 za Serikali.”
Trump aliongeza kuwa, chini ya mpango wake huo, Musk na Ramaswamy watamaliza kazi yao ifikapo Julai 4, 2026, mwaka wa 250 wa kusainiwa kwa Azimio la Uhuru la Marekani.
“Serikali ndogo, yenye ufanisi zaidi na urasimu mdogo, itakuwa zawadi kamili kwa Marekani,” Trump alisema.
