Kamati ya Uchaguzi Yanga SC leo imetaja list ya wagombea waliopitishwa kugombea nafasi mbalimbali katika Uongozi wa Yanga SC.
Eng. Hersi Ally Said anapita na kuwa mgombea pekee wa nafasi ya Urais wa club ya Yanga SC wakati nafasi ya makamu wa Rais yakipita majina mawili ya Arafat Haji anayetambiliwa kuwa Makamu wa Rais ajaye Yanga na Suma Mwaitenda.
Hata hivyo katika nafasi ya ujumbe wa kamati ya Utendaji ambapo kwa mujibu wa katiba ya Yanga itakuwa na wajumbe watano yamepitishwa majina 22 kati ya 27 likiwemo jina la Mbunge wa Manonga Seif Khamisi Gulamali.
Majina matano yaliokatwa kwa kigezo cha kushindwa kukidhi baadhi ya vigezo vya kikatiba ni pamoja na Ayubu Shaibu Nyenzi, Sindilo Lyimo, Mustapha Salumu Himba, Kara Remtullah na Tobias Bosco Lingalangala.
