Ni episode nyingine tena ya Mwamba wa Kaskazini Joh Makini, ni package nyingine mpya yenye collection ya Rapper Joh Makini ambaye tayari amewatangazia Mashabiki zake kuachia EP yake mpya ya ‘WAVE’ kesho March 17 ikiwa na nyimbo sita 6.
Joh ameiambia AMPLIFAYA ya CloudsFM kwamba mwaka huu uachiliaji wake wa ngoma mpya utakuwa wa tofauti na miaka iliyopita ambako alikua akiachia ngoma chache kwa mwaka ——— > “Hii ni EP yangu ya kwanza kwenye rekodi zangu, nadhani mwaka huu itakua tofauti kidogo usishangae kukawa labda na EP mbili na kisha album kabla mwaka haujaisha”
Alipoulizwa na Millard Ayo kuhusu ngoma namba 6 inayoitwa “nyeusi” ambayo ni beat ya Producer Nahreel, Joh alijibu ———> “Nyeusi ni ngoma ambayo tulirekodi muda kidogo lakini ilikua tu haijatoka, ni beat ya Nahreel lakini voco, mixing na mastering nilifanya MJ Records kwa Marco Chali, sisi na Nahreel ni Familia kama kawaida na tunawasiliana na kuna baadhi ya kazi tumekuwa tukiendelea kufanya ukiangalia hata kwenye album ya WEUSI kuna ngoma za Nahreel mle”
“Ni ubize tu wa namna ambavyo wao waliamua kuingia rasmi kwenye muziki ikawa inatufanya sisi tutafute namna nyingine ya kurekodi muziki kwa sababu wakati mwingine wao wanakuwa bize wakifanya project zao kama Navykenzo lakini sisi ni familia, tunawasiliana, tunatembeleana, tunafanya kazi, we good” ——— Joh Makini
