Club ya wekundu wa Msimbazi Simba SC Jumamosi ya March 16 2019 ilikuwa uwanja wa Taifa Dar es Salaam kucheza game yake ya mwisho ya hatua ya Makundi dhidi ya AS Vita ya Congo, Simba katika mchezo huo ilikuwa inahitaji ushindi.
Hivyo kushinda kwake kwa magoli 2-1 dhidi ya AS Vita kumeifanya itinge hatua ya robo fainali ya michuano ya CAF Champions League na taratibu za michuano hiyo, Simba SC itapokea kiasi cha dola 650000 ambazo ni zaidi ya Tsh Bilioni 1.5, hizo ni pesa watakazopata timu zote 8 zilizoingia robo fainali.
Simba SC kila hatua itakayopiga kwa sasa itakuwa inavuna kitita cha pesa kutoka CAF kama ilivyo utaratibu wao, Simba sasa inasubiri droo ya CAF ya March 20 2019 itakayojua inacheza na timu gani robo fainali kati ya TP Mazembe ya Congo, Mamelod Sundowns ya Afrika Kusini na Esperance ya Tunisia, kwa hawezi kucheza na timu zilizomaliza nafasi ya pili katika Kundi kama yeye wala timu iliyomaliza nafasi ya kwanza katika Kundi lake kama ilivyokuwa kwa Al Ahly ya Misri.
Mashabiki wa Simba na Yanga waiongelea Simba VS AS Vita hapo kesho !!
