Kuongezeka kwa ghasia mashariki mwa Jamhuri ya Kidemokrasia ya Kongo kumesababisha takriban watu 250,000 kuhama makazi yao katika kipindi cha mwezi mmoja uliopita, afisa mkuu wa Umoja wa Mataifa alisema Jumatano, akielezea hali hiyo kama janga la kibinadamu.
Mbali na mji mkuu wa nchi hiyo, Kinshasa, mashariki mwa Kongo kwa muda mrefu imekuwa ikizidiwa na zaidi ya makundi 120 yenye silaha yanayotafuta sehemu ya dhahabu na rasilimali nyingine za eneo hilo huku yakitekeleza mauaji.
Matokeo yake ni moja ya majanga makubwa zaidi ya kibinadamu duniani, ambapo inakadiriwa watu milioni 7 wamelazimika kuyahama makazi yao, wengi wao wakiwa nje ya uwezo wa kupata msaada.
“Inasikitisha sana (na) nilichoona ni hali mbaya sana,” Ramesh Rajasingham, mkurugenzi wa uratibu katika ofisi ya Umoja wa Mataifa ya misaada ya kibinadamu, aliiambia Associated Press. Bw. Rajasingham alisafiri hadi jiji la Goma, ambako watu wengi walikimbilia. “Watu kadhaa kama hao waliokimbia makazi yao kwa muda mfupi ni wa kipekee,” alisema.
Huku mapigano yakizidi kupamba moto na vikosi vya usalama, waasi wa M23 – ambao ndio wanaongoza zaidi katika eneo hilo na wanaoaminika kuwa na uhusiano na nchi jirani ya Rwanda – waliendelea kushambulia vijiji, na kuwalazimu watu wengi kukimbilia Goma, mji mkubwa zaidi wa eneo hilo, ambao inakadiriwa kuwa na wakazi milioni 2. tayari imezidiwa na rasilimali duni.
