Baada ya mwenyekiti wa kamati ya usajili ya Simba SC Zacharia Hans Pope kuthibitisha kuwa mshambuliaji wao wa zamani wa kimataifa wa Uganda Emanuel Okwi anaingia Dar es Salaam Jumamosi ya June 24, usiku wa June 24 ni kweli ameingia Dar es Salaam.
Licha ya kuwa Hans Pope alitaja siku lakini muda na ndege anayokuja nayo ilifichwa kwa lengo la kuepuka waandishi wa habari wasimpate, baada ya ripota wa millardayo.com kupiga kambi uwanja wa ndege alifanikiwa kunasa picha za Okwi akiwasili kutokea Uganda akipitia Nairobi.
Kwa taarifa za awali mshambuliaji huyo aliyewahi kuichezea Simba kwa nyakati mbili tofauti, atajiunga na Simba kwa mkataba wa miaka miwili kabla ya kurudi kwao Uganda akisubiri maandalizi ya msimu mpya wa Ligi.
VIDEO: All Goals Taifa Stars vs Lesotho June 10 2017, Full Time 1-1
