Chombo cha habari cha Kiarabu kimemnukuu afisa mkuu wa Hamas akisema kuwa kundi hilo la Kiislamu litawasilisha siku ya Ijumaa orodha ya mateka wanne wa Israel watakaoachiliwa siku inayofuata katika kundi la pili.
Chini ya usitishaji mapigano wa wiki sita ulioanza Jumapili, Hamas itawaachilia jumla ya mateka 33 katika vikundi vidogo kila wiki, huku Israel ikiwaachilia wafungwa wa Kipalestina. Toleo la pili la mateka limepangwa Jumamosi.
Vyombo vya habari vya Israel vinaripoti kuwa mamlaka ya nchi hiyo inatarajiwa kupokea orodha hiyo Ijumaa alasiri, kwa saa za huko.
Usitishaji mapigano ulianza karibu saa tatu baadaye kuliko ilivyopangwa kwa sababu Hamas ilichelewesha kuwasilisha orodha ya mateka watatu wa kwanza kuachiliwa.
Hakuna mapigano makubwa ambayo yameripotiwa tangu usitishaji mapigano uanze kutekelezwa, lakini hali bado si shwari.
Jeshi la Israel lilitangaza siku ya Alhamisi kuwa wanajeshi wake waliwafyatulia risasi watu waliokuwa na silaha kusini mwa Gaza, ikiwemo Rafah.
Shirika la habari la Palestina linaripoti kuwa shambulio la Israel liliua watu wawili huko Rafah.
