Rais wa Urusi Vladimir Putin amesema hakuna haraka katika operesheni yake nchini Ukraine na ameonya kwamba Moscow inaweza kuzidisha mashambulizi kwenye miundombinu muhimu ya nchi hiyo ikiwa vikosi vya Ukraine vitalenga vituo vya Urusi.
Akizungumza a waandishi wa habari ljumaa baada ya kuhudhuria mkutano wa kilele wa Jumuiya ya Ushirikiano ya Shanghai nchini Uzbekistan, Putin alisema “ukombozi” wa eneo zima la Donbas mashariki mwa Ukraine umesalia kuwa lengo kuu la kijeshi la Urusi na kwamba haoni haja ya kulifanvia marekebisho.
“Hatuna haraka,” kiongozi huyo wa Urusi alisema, akiongeza kuwa Moscow imetuma wanajeshi wa kuiitolea tu kupigana nchini Ukraine. Baadhi ya wanasiasa wenye misimamo mikali na wanabloqu wa kijeshi wameitaka Kremlin kufuata mfano wa Ukraine na kuagiza uhamasishaji mpana ili kuongeza safu, wakilaumu uhaba wa wafanyakazi wa Urusi.
Urusi ililazimika kurudisha nyuma vikosi vyake kutoka maeneo makubwa ya kaskazini mashariki mwa Ukraine wiki iliyopita baada ya mashambulizi ya haraka ya Ukraine.
Hatua ya Ukraine ya kurejesha udhibiti wa miji na vijji kadhaa vinavyokaliwa na Urusi iliashiria mkwamo mkubwa zaidi wa kijeshi kwa Moscow kwani vikosi vyake vililazimika kurudi kutoka maeneo karibu na mji mkuu mapema katika vita.
