Wafanyakazi watatu wa Kikosi cha Ulinzi wa Pwani ya India wamepotea baada ya helikopta yao ya uokoaji kuanguka katika Bahari ya Kiarabu, karibu na pwani ya Porbandar, jimbo la Gujarat.
Kulingana na taarifa rasmi iliyotolewa leo hii, helikopta hiyo aina ya Advanced Light Helicopter (ALH) ilifanya kutua kwa dharura wakati wa operesheni ya uokoaji.
Helikopta hiyo ilizinduliwa Jumatatu usiku ili kumuokoa mfanyakazi aliyejeruhiwa kutoka kwenye meli ya Motor Tanker Hari Leela, lakini ililazimika kutua kwa nguvu na kuzama baharini. Mmoja wa wafanyakazi wa helikopta hiyo alipatika na kuokolewa, lakini juhudi za kuwasaka wafanyakazi wengine watatu zinaendelea.
Kikosi cha Ulinzi wa Pwani ya India kimepeleka meli nne na ndege mbili katika jitihada za kuokoa wafanyakazi hao waliopotea.
