Hospitali mjini Goma zinatatizika kukabiliana na mapigano makali na waasi wanaoungwa mkono na Rwanda, ambayo yamesababisha mamia ya watu kuuawa.
Katika Hospitali ya Kyeshero, vitanda vimejaa wagonjwa wenye majeraha ya kiwewe. Prince Mungazi alikuwa na jeraha la risasi mguuni na alilazimika kubebwa na wahudumu wa afya kuzunguka wodi.
“Askari waliniomba pesa, nikawaambia sina kitu. Kisha wakafyatua risasi. Mmoja aliyenipiga na mwingine akakosa,” alisema bila kufafanua askari hao walikuwa wakipigania nani.
Ingawa M23 iliimarisha udhibiti wao wa Goma katika wiki iliyopita, waasi hao waliendelea kuingia katika jimbo jirani la Kivu Kusini na walikuwa wakikaribia mji mkuu wake Bukavu siku ya Ijumaa.
Goma imetumika kwa muda mrefu kama kitovu cha misaada ya kibinadamu katika eneo hilo lenye matatizo, na mamilioni ya watu wako hatarini kutokana na operesheni za kibinadamu kusitishwa kutokana na mapigano hayo.
Kwa sasa, chakula na vifaa vya matibabu vina uwezo mdogo wa kufika Goma.
