Elon Musk alisema Jumatano ikiwa Idara ya Ufanisi wa Serikali (DOGE) haitapunguza matumizi,Marekani ita “filisika.”
Musk alisema kwamba hatua za DOGE zilikuwa muhimu kupunguza gharama ya nchi.
“Tusipofanya hivi, Marekani itafilisika. Ndio maana inabidi jambo hili lifanyike,” alisema.
“Kwa hivyo, sisi ni msaada wa teknolojia. Inashangaza, lakini ni kweli,” Musk, ambaye anaongoza DOGE, alisema katika mkutano wa kwanza wa Baraza la Mawaziri baada ya Rais Donald Trump kutoa matamshi ya ufunguzi.
Akiwa amevalia kofia nyeusi ya MAGA na fulana nyeusi yenye maneno “Tech Support,” Musk alikuwa nyuma ya meza ambayo maafisa wa Baraza la Mawaziri waliketi.
“Lengo la jumla hapa na timu ya DOGE ni kusaidia kukabiliana na upungufu mkubwa wa pesa na hatuwezi kuendeleza kama nchi ina upungufu wa $ 2 trilioni.
“Maslahi ya deni la taifa sasa yanazidi matumizi ya Wizara ya Ulinzi.
Tulitumia pesa nyingi kwenye idara ya Ulinzi, lakini tunatumia kama zaidi ya dola trilioni kwa riba. Hii ikiendelea, nchi itafilisika kabisa,” Musk alisema.
Musk alisema amepokea vitisho vingi mpaka hivi sasa vya kuuawa kwenye kazi yake.
“Na nina uhakika katika hatua hii … kwamba tunaweza kupata akiba ya dola trilioni.
Hiyo itakuwa takriban 15% ya bajeti ya $ 7 trilioni,” Musk alisema.
