India iko tayari kuwa mwenyeji wa mkutano wa kilele wa viongozi wa G-20 siku ya Jumatano, ambao utaongozwa na Waziri Mkuu wa India Narendra Modi.
Kwa mujibu wa Wizara ya Mambo ya Nje ya India, viongozi wa Wanachama wote wa G-20 akiwemo mwenyekiti wa Umoja wa Afrika, pamoja na nchi tisa wageni, na wakuu wa mashirika 11 ya kimataifa, wamealikwa kwenye mkutano huo unaotarajiwa kushinikiza “ utekelezaji bora” wa maamuzi mbalimbali ya G-20.
China imesema kuwa waziri mkuu Li Qiang atahudhuria mkutano huo.
“Mkutano wa kilele utachukua hatua kuu, kuchagua matokeo / hatua kutoka kwa Mkutano wa New Delhi na kukagua maendeleo tangu wakati huo,” Wizara ya Mambo ya nje ya India ilisema.
“Mijadala ya Mkutano wa Pili wa Sauti ya Kusini, uliofanyika tarehe 17 Novemba 2023, pia utaingia kwenye majadiliano,” iliongeza.
Mnamo Septemba, wakati wa kikao cha mwisho cha Mkutano wa New Delhi G-20, Modi alitangaza kwamba India itakuwa mwenyeji wa mkutano wa kilele wa viongozi wa G-20 kabla ya kumalizika kwa Urais wa G-20 wa India mnamo Novemba.
Katika mkutano huo wa kilele wa siku mbili, Umoja huo ulipitisha tamko la makubaliano lililozitaka mataifa kujiepusha kuteka eneo hilo kwa kutumia nguvu, ilikiri Umoja wa Afrika kuwa mwanachama wa G-20 na kutoa ahadi katika masuala kadhaa, ikiwemo chakula na nishati. usalama, mabadiliko ya tabia nchi na udhaifu wa madeni duniani.
Xi na mwenzake wa Urusi Vladimir Putin walikuwa wamekosa kuhudhuria mkutano wa kilele wa New Delhi
