MDAU wa Soka Swaleh Ahmed (@swaleh_mandieta ) ameandaa dua maalumu ya kumuombea mchezaji wa zamani wa Azam FC, SIMBA SC, Mtibwa Sugar , Chuoni Fc ya Zanzibar pamoja na timu za taifa Tanzania na Zanzibar Ibrahim Rajab (Jeba).
Dua hiyo inatarajiwa kufanyika siku ya Jumatano Septemba 18,2024 katika msikiti Mkubwa wa Muembe Shauri Saa 10 Visiwani hapa baada ya Sala ya Alasiri.
Swaleh Mandieta alisema lengo la kuandaa dua hiyo ni kumuombea marehemu Jeba Mwenyezi Mungu amfanyie wepesi huku alipo lakini pia ni jinsi gani marehemu alivyokuwa anaishi na watu vizuri.
Alisema enzi za uhai wake marehemu alikuwa na mchango kwa jamii na alikuwa mtu wa kuwasaidia watu nasi kumkumbuka kwa mazuri yake ndiyo maana twamuombe
Jeba alifariki jumatano ya Septemba 18 ,2019 kwenye Hospital ya rufaa ya mnazi mmoja visiwani Zanzibar na kuzikwa Ndijani kusini Unguja.
Marehemu ameacha familia ya mke mmoja na mtoto mmoja
