Shindano la 73 la Miss Universe linapokaribia, washiriki 19 wa Kiafrika wako tayari kuonyesha vipaji, ulimbwende na tamaduni bila kusahau utetezi wa nchi zao nchini Mexico mnamo Novemba.
Shindano la mwaka huu linawashirikisha wawakilishi kutoka nchi mbalimbali huku Tanzania ikiwakilishwa na Judith Peter Ngusa, mshindi wa taji la Miss Universe Tanzania 2024.
Mrembo huyu ni Mwanaharakati wa masuala ya afya na amewahi kushiriki Miss United Nations 2022, ambapo alishinda taji hilo, na analenga kuinua uwepo wa Tanzania kwenye Miss Universe.
Wakati shindano hilo likiendelea, wawakilishi hawa sio tu wataonyesha uzuri na ulimbwende wao bali pia kujitolea kwao kwenye masuala ya kijamii na uwakilishi wa kitamaduni, na kumfanya Miss Universe wa 73 kuwa sherehe ya utofauti barani Afrika.
