Newcastle United imethibitisha Sandro Tonali anachunguzwa kuhusiana na shughuli haramu ya kamari.
“Newcastle United inaweza kuthibitisha kwamba Sandro Tonali anachunguzwa na Ofisi ya Mwendesha Mashtaka wa Italia na Shirikisho la Soka la Italia (FIGC) kuhusiana na shughuli haramu ya kamari.
“Sandro anahusika kikamilifu na uchunguzi na ataendelea kushirikiana na mamlaka zote zinazohusika. Yeye na familia yake wataendelea kupokea uungwaji mkono kamili wa klabu.
“Kutokana na mchakato huu unaoendelea, Sandro na Newcastle United hawawezi kutoa maoni zaidi kwa sasa.”
Kwa mujibu wa vyanzo vya habari nchini Italia, Tonali alikiri kuweka dau kwa AC Milan ili kushinda wakati akiichezea.
Mchezaji nyota wa Italia Nicolo Fagiolo amepigwa marufuku ya miezi saba kwa kukiuka sheria za kamari.
Wakala wake, Giuseppe Riso, alipendekeza Tonali anapambana na uraibu wa kucheza kamari siku ya Jumanne.
“Anacheza mchezo wake muhimu zaidi – dhidi ya uraibu wa kamari,” alisema katika hafla katika ubalozi wa Italia. “Ameshtuka, ana huzuni sana. Anapaswa kukabiliana na hali hii.
