Mkurugenzi Mtendaji wa Fountain Gate Academy, Japhet Makau ametolea ufafanuzi kuhusiana na tuhuma zilizotolewa kuhusiana na aliyekuwa Mchezaji wa Fountain Gate Princess, Peris Oside Raia wa Kenya kuwa amepewa ujauzito na mmoja kati ya Viongozi wa Timu hiyo.
Makau amesema Mchezaji huyo walishavunja nae mkataba na kumpa stahiki zake na kuhusu tuhuma za kupewa ujauzito, Fountain Gate imezipokea na kumsimamisha kazi mara mmoja Mtuhumiwa wakati uchunguzi ukiendelea na imeahidi kutoa ushirikiano kwa Taasisi husika wakati wote wa uchunguzi kwani Mtuhumiwa amekana kuhusika.
“Tunapenda ieleweke kuwa Fountain Gate Princess inapinga vikali tabia hizi na imekuwa ikishirikiana na Asasi za kiraia mbalimbali kwenye kutoa semina za mara kwa mara kwa Wachezaji na Viongozi na kuwapa nafasi Wachezaji kuongea na uongozi wa juu kabisa kama kunaonekana kuwepo dalili zozote za unyanyasaji wa kijinsia au rushwa ya aina yoyote ile”
