Ni Octoba 6, 2023 ambapo Kocha wa Klabu ya Young Africans, Miguel Gamondi amekutana na vyombo vya habari kueleza mchezo wao dhidi ya Geita Gold kwenye uwanja wa CCM Kirumba Mkoani Mwanza.
“Kwanza kabisa mara nyingi kwenye mikutano na wanahabari siulizwi maswali mengi napenda kuchukua fursa hii kuwaomba wanahabari wajiskie huru kuniuliza swali lolote nipo hapa kwa ajili yao, maana muda pekee ninaongea nao ni kwenye mikutano kama hii” Miguel Gamondi
“Tumepoteza mchezo uliopita dhidi ya Ihefu, lakini mashabiki wameendelea kuwa pamoja nasi na kutupa sapoti kama vile bado hatujapoteza mchezo wowote ni kazi yetu sasa kuhakikisha kwenye mchezo wa kesho tunajitoa kwa nguvu zote kuhakikisha tunapata ushindi”– Miguel Gamond
“Maandalizi kwa upande wetu siyo mazuri sana kutokana na ratiba lakini sisi ni wataalamu na ligi kuna muda inakuwa na ratiba ngumu lazima kuwa tayari. Leo tutakuwa na mazoezi jioni, ambayo yatatusaidia kuona hali ya wachezaji kuelekea mchezo wetu wa kesho dhidi ya Geita Gold”- Miguel Gamondi
“Nafahamu kesho tutakuwa na mchezo mgumu na sijui hali ya Uwanja ikoje lakini nafikiri itakuwa kama Uwanja wa mchezo wetu uliopita. Ukweli nina wasiwasi sana na viwanja pamoja na maamuzi ya waamuzi uwanjani nina imani kutakuwa na mabadiliko kwenye hili kwasababu kila kitu kinaonekana wazi” – Miguel Gamondi
